Элчид сайд нар Монгол улсын гаргаж буй шийдвэрүүдэд талархаж байгаагаа илэрхийллээ

Гадаад харилцааны сайд Д.Цогтбаатар 2020 оны 3-р сарын 26-ны өдөр ИБУИНХУ-аас суугаа Элчин сайд Филип Малон, АНУ-аас суугаа Элчин сайд Майкл С. Клечески, Австрали Улсаас суугаа Элчин сайд Дэйв Воусэн, Канад Улсаас суугаа Элчин сайд Кэтрин Ивкоф нарыг хүлээн авч уулзлаа.

Уулзалтын үеэр Гадаад харилцааны сайд Д.Цогтбаатар шинэ корона вирусээс болж үүссэн нөхцөл байдал, Монгол Улсын авч хэрэгжүүлж байгаа арга хэмжээ болон Улсын байнгын онцгой комиссоос иргэдээ татан авах, Япон, БНСУ-руу тусгай үүргийн нислэг үйлдэхээр бэлтгэх зэрэг асуудлаар гаргасан шийдвэрүүдийн талаар мэдээллээ. Мөн иргэдээ шинэ коронавирусын халдвараас сэргийлэх, иргэдийн ахуй амьдрал, аж ахуйн нэгжийн үйл ажиллагаанд хэрхэн нөлөөлж байгаа болон Засгийн газраас авч хэрэгжүүлж байгаа арга хэмжээ, шийдвэрүүдийн талаар танилцуулав.

Элчин сайд нар Монгол төр, засгийн байгууллагууд, эмч мэргэжилтнүүд цаг алдалгүй, шуурхай ажиллаж цар тахлын тархалтаас сэргийлэн амжилттай ажиллаж байгаад талархаж энэ аюулт өвчинтэй хамтран тэмцэж ялж гарна гэдэгт итгэлтэй байгаагаа илэрхийлэв.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Шинэ мэдээ

© 2020 Бүх эрх хуулиар хамгаалагдсан. honh.mn