Монгол Улсад коронавирусний 12 дахь тохиолдол бүртгэгдлээ

Эрүүл мэндийн яамнаас коронвирусний халдварын нөхцөл байдлын талаар ээлжит мэдээлэл хүргэлээ. Монгол Улсад коронавирусний 12 дахь тохиолдол бүртгэгдсэн тухай ЭМЯ мэдээллээ.

“Истанбул-Улаанбаатар”-ын тусгай үүргийн нислэгээр ирсэн 220 хүнд шинжилгээ хийхэд дахин нэг хүнээс коронавирус илэрсэн. Тусгаарлан эмчилгээ хийж байна” гэж ХӨСҮТ-ийн Ерөнхий захирал Д.Нямхүү ярьсан юм.

Өнөөдрийн байдлаар ХӨСҮТ-д 220 хүн тусгаарлагдан эмчилгээ хийлгэж байна.

Одоогоор тусгай үүргийн дөрвөн онгоцоор ирсэн бүх иргэнд шинжилгээ хийж дууссан бөгөөд Токио-Улаанбаатар чиглэлийн 206 зорчигчоос коронавирус илэрсэнгүй.

Энэ сарын 26-нд ХӨСҮТ, Сэлэнгэ, Дарханд тусгаарлагдсан вирусний сэжигтэй зургаан хүнээс коронавирус илрээгүй аж.

Харин энэ сарын 27-ны өдөр Сэлэнгэ аймагт коронавирусний сэжигтэй таван хүнийг тусгаарлан, шинжилгээ хийжээ. Хариу нь удахгүй гарна.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Шинэ мэдээ

© 2020 Бүх эрх хуулиар хамгаалагдсан. honh.mn