Харцага Б.Бат-Өлзий зохисгүй үйлдэл гаргасандаа уучлалт гуйлаа

Улсын арслан цолтнуудад хүндэтгэл үзүүлэх барилдаанд Улсын харцага Б.Бат-Өлзий давсан бөхийнхөө хөл рүү өшиглөж увайгүй үйлдэл гаргасан нь олон хүний зэвүү дургүйг илт хүргэсэн билээ.

Бөхийн ноён нуруу, ёс жудгаа алдаж байна, ааг эр бярандаа эрдэж байна хэмээн нэлээн шүүмжлэлд өртсөн тэрбээр өчигдөр өөрийнхөө цахим хуудсаараа дамжуулан түмэн олноосоо уучлалт гуйжээ.

Харцага Б.Бат-Өлзий “Тавдугаар сарын 05-нд болсон Арслан цолтонд хүндэтгэл үзүүлэх барилдааны 4-ийн даваанд Булган аймгийн арслан Сумъяабаттай таарч барилдааны явцад миний тохой хүрсэн боловч, дахин гуд татсан энэ үйлдэлд миний хувьд бухимдан зохисгүй үйлдэл гаргасандаа Монголынхоо бөх сонирхогч нийт ард түмнээсээ уучлалт гуйж байна” гэж бичжээ.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Шинэ мэдээ

© 2019 Бүх эрх хуулиар хамгаалагдсан. honh.mn