ЧИНГЭЛТЭЙ ДҮҮРГИЙН ЭМНЭЛГИЙН ЦАХИЛГААН ШАТНААС ӨНДӨР НАСТАН УНАЖ НАС БАРЖЭЭ

Өнөөдөр өглөө буюу 07 дугаар сарын 21-ний 09 цагийн үед Чингэлтэй дүүргийн эмнэлгийн цахилгаан шатнаас нэгэн өндөр настан унаж нас барсан харамсалтай хэрэг гарчээ. Тус өндөр настан нь сахиур байсан бөгөөд 6 дугаар давхраас буухаар цахилгаан шат дуудахад хоосон иржээ. Хаалга нь онгойхоор нь хөл алдаж, доошоо унасан бөгөөд эмнэлгийн тусламж авсан ч бэртлээ даалгүй нас барсан байна. Хохирогчийн ар гэрийнхэн өмнө нь ч энэ цахилгаан шатны талаар сануулж хэлж байсан гэнэ. Хоосон ирэх, гацах, хаалга нь хий онгойх гэх мэт эрсдэлтэй нөхцөлд байсаар байхад тус эмнэлгийн удирдлагууд өнөөдрийг хүртэл ажиллуулсаар байжээ. Харин өнөөдөр тэд лифтчин рүүгээ буруугаа чихэж, "Манайх 2 лифттэй ч нэг нь л ажилладаг, лифтчин ажиллуулдаг байсан ч яг хэрэг гарах үед байгаагүй" гэх мэтээр өөрсдөөсөө зайлуулж, арьсаа хамгаалж эхэлжээ.